സെഫാനിയാ പ്രവര്‍ത്തനമാരംഭിച്ചത് ജോസിയായുടെ മത നവീകരണ പ്രവര്‍ത്തനങ്ങള്‍ ആരംഭിക്കുന്നതിനു മുമ്പ് ഷിത്യരുടെ ആക്രമണകാലത്ത് ആയിരിക്കാം.(ബി.സി 630-625). അദ്ദേഹത്തിന്റെ വ്യക്തിത്വത്തെ കുറിച്ചും സാഹിത്യപരമായ ഗുണങ്ങളെ കുറിച്ചുമുള്ള അറിവ് ഉള്‍കൊള്ളുന്ന പഴയനിയമത്തിലെ മൂന്ന് അധ്യായങ്ങളു ള്ള പുസ്തകമാണ് സെഫാനിയായുടെ പുസ്തകം. സെഫാനിയ യെക്കുറിച്ച് നമ്മള്‍ക്ക് വളരെ കുറച്ചു മാത്രമേ അറിയുമെങ്കിലും അദ്ദേഹത്തിന്റെ വംശാവലി നാല്തലമുറകള്‍ക്ക് പിന്നില്‍ കാണപ്പെടുന്നു എന്നത് വിചിത്രം തന്നെ.അസ്സീറിയന്‍ സ്വാതന്ത്ര്യത്തില്‍ പെട്ട് ഏകദൈവ വിശ്വാസത്തിന് എതിരെ പല മ്ലേച്ചമായ പ്രവര്‍ത്തികള്‍ ആരാധനാ മണ്ഡലത്തില്‍ പോലും അരങ്ങേറിയിരുന്നു. ഷിത്യരുടെ ആക്രമണത്തെ യൂദായുടെ ഘോര പാപങ്ങള്‍ക്കുള്ള ശിക്ഷയുടെ നാന്ദിയായി പ്രവാചകന്‍ കണ്ടു. യൂദായു ടെയും ജെറുസലെമിന്റെയും അക്രമങ്ങള്‍ക്കും അവിശ്വസ്തതയ്ക്കുമുള്ള ശിക്ഷയുടെ സമയം അതായത് കര്‍ത്താവിന്റെ ദിനം അടുത്തിരിക്കുന്നുവെന്ന് ഞാന്‍ ഭൂമുഖത്തുനി ന്ന് എല്ലാറ്റിനെയും തുടച്ചുമാറ്റും എന്ന് പ്രഖ്യാപിച്ചുകൊണ്ട് മുന്നറിയിപ്പ് നല്‍കുന്നു. കര്‍ത്താവിന്റെ ദിനത്തില്‍ ജെറുസലേമിനോടപ്പം ചുറ്റുമുള്ള മറ്റു ജനതകള്‍ക്കും ശിക്ഷ ഏല്‍ക്കേണ്ടി വരും. ജെറുസലേമിലെ പ്രഭുക്കന്മാര്‍ പ്രവാചകന്മാര്‍ ന്യായാധിപന്‍മാര്‍ പുരോഹിതന്മാര്‍ എന്നിവരെ പ്രവാചകന്‍ നിഷ്‌കര്‍ഷമായി വിമര്‍ശിക്കുന്നു. ഏതൊരു ശിക്ഷയുടെ മുന്നറിയിപ്പോടൊപ്പവും രക്ഷയുടെ വാഗ്ദാനവും ഉണ്ട്. കര്‍ത്താവ് ശിക്ഷിക്കുന്നത് രക്ഷ ലഭിക്കുന്നതിന് വേണ്ടിയാണ്. സെഫാനിയായുടെ ആശയങ്ങളും ശൈലിയും അതിന്റെ തൊട്ടുപിന്നാലെ വന്ന ജെറെമിയയെ സ്വാധീനിച്ചിട്ടുണ്ടാകണം