"""ആലിബാബയും 41 കള്ളന്മാരും"" എന്ന ചലച്ചിത്രത്തിലെ ഗാനമാണ് ""യക്ഷീ യക്ഷീ ഞാനൊരു യക്ഷീ -എന്റെ നക്ഷത്ര മിഴികളിലഗ്നി - കയ്യിൽ രക്തം പൊടിക്കുന്ന കത്തി യക്ഷീ യക്ഷീ ഞാനൊരു യക്ഷീ"" എന്ന ഈ ഗാനം. വയലാർ രാമവർമ്മയുടെ വരികൾക്ക് ജി ദേവരാജൻ സംഗീതം നൽകി, വാണി ജയറാം ആലപിച്ച ഗാനം. എസ്.എൽ. പുരം സദാനന്ദൻ തിരക്കഥയും സംഭാഷണവുമെഴുതി ഹരിപോത്തന്റെ നിർമ്മാണത്തിൽ ജെ. ശശികുമാർ സംവിധാനം ചെയ്ത 1975-ൽ പുറത്തിറങ്ങിയ ചിത്രമാണ് ആലിബാബയും 41 കള്ളന്മാരും . പ്രേം നസീർ, ജയഭാരതി, അടൂർ ഭാസി, തിക്കുറിശ്ശി തുടങ്ങിയവർ അഭിനയിച്ച ഈ ചിത്രത്തിലെ സംഗീതം ചിട്ടപ്പെടുത്തിയത് ജി. ദേവരാജനാണ്."