"""ശാലിനി എന്റെ കൂട്ടുകാരി"" എന്ന ചിത്രത്തിലെ ഗാനമാണ് ""വിരഹം..... വിരഹം വിഷാദാർദ്രബിന്ദുക്കളാലെന്നും വിരചിക്കും ജീവിത ദുഃഖകാവ്യം അയഥാർഥബിംബങ്ങൾ ഭംഗപ്രതീകങ്ങൾ"" എന്ന ഈ ഗാനം. എം ഡി രാജേന്ദ്രൻ ആണ് ഈ വരികൾ എഴുതിയത്. ജി ദേവരാജൻ ഈണം നൽകി കെ ജെ യേശുദാസ് ആലപിച്ച ഗാനം. മോഹന്റെ സംവിധാനത്തിൽ 1980-ൽ പുറത്തിറങ്ങിയ ഒരു മലയാളചലച്ചിത്രമാണ് ശാലിനി എന്റെ കൂട്ടുകാരി. 'പാർവതിക്കുട്ടി' എന്ന തന്റെ കഥയെ ആസ്പദമാക്കി പി. പത്മരാജൻ തിരക്കഥ രചിച്ചു. മിത്ര നിർമ്മിച്ച ഈ ചിത്രത്തിന്റെ സംഗീതസംവിധാനം ദേവരാജനാണ്. യു. രാജഗോപാൽ ഛായാഗ്രഹണവും ജി. വെങ്കിട്ടരാമൻ ചിത്രസംയോജനവും നിർവ്വഹിച്ചു. കേന്ദ്രകഥാപാത്രമായ ശാലിനിയെ അവതരിപ്പിച്ചത് ശോഭ എന്ന അഭിനേത്രിയാണ്. സുകുമാരൻ, ജലജ, വേണു നാഗവള്ളി, സുകുമാരി, കെ.പി. ഉമ്മർ, ശ്രീനാഥ്, രവി മേനോൻ തുടങ്ങിയവരും ചിത്രത്തിൽ അഭിനയിച്ചു."