"മിസ്സ്‌ ത്രിവേണി കഥയും എസ്.എൽ. പുരം സദാനന്ദൻ തിരക്കഥയും എഴുതി എസ്. ആർ. പുട്ടണ സംവിധാനം ചെയ്ത 'സ്വപ്നഭൂമി' എന്ന സിനിമയിലെ ഗാനമാണ് ""വെള്ളിച്ചിറകുള്ള മേഘങ്ങളേ വെണ്ണിലാപ്പുഴയിലെ ഹംസങ്ങളേ അളകാപുരിയിലേക്കോ നിങ്ങള്‍ അമരാവതിയിലേക്കോ "" എന്നുള്ളത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. പി.സുശീലയാണ് ഈ മനോഹര ഗാനം പാടിയിരിക്കുന്നത്. 1967ൽ പുറത്തിറങ്ങിയ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് പ്രേം നസീർ, സത്യൻ, ഷീല, കവിയൂർ പൊന്നമ്മ തുടങ്ങിയവരാണ്."