വളകിലുക്കം ഒരു വളക്കിലുക്കം' എന്ന ഗാനം 'മുന്നേറ്റം' എന്ന മലയാള സിനിമയിലെതാണ്. 1981-ലാണ് ഈ ചിത്രം പുറത്തിറങ്ങിയത്. ശ്രീകുമാരൻ തമ്പിയാണ് ചിത്രം സംവിധാനം ചെയ്തത്. ശ്യാം ആണ് ഈ ഗാനത്തിന്റെ സംഗീത സംവിധാനം നിർവ്വഹിച്ചിരിക്കുന്നത്. ശ്രീകുമാരൻ തമ്പി തന്നെയാണ് ഈ ഗാനത്തിന്റെ വരികൾ എഴുതിയിരിക്കുന്നത്. വാണി ജയറാമും ഉണ്ണി മേനോനും ചേർന്നാണ് ഈ ഗാനം ആലപിച്ചിരിക്കുന്നത്. ഈ ചിത്രത്തിലെ ഗാനങ്ങൾ ആലപിച്ചതോടെയാണ് ഗായകൻ ഉണ്ണിമേനോൻ പ്രശസ്തനായത്. മമ്മൂട്ടി, സുമലത, രതീഷ്, മേനക, ജലജ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.