നർസിൻ മെഹ്ത എഴുതിയ ഒരു ഭജൻ ആണ് "വൈഷ്ണവജനതോ". മഹാത്മാഗാന്ധിയുടെ ഏറ്റവും പ്രിയപ്പെട്ട ഭജൻ ആയിരുന്നതിനാൽ അദ്ദേഹത്തോട് ചേർന്ന് നിൽക്കുന്ന ഒരു ഗാനമായാണ് ഇന്ത്യക്കാർ "വൈഷ്ണവജനതോ" യെ കാണുന്നത്. ഗാന്ധിജിയുടെ ഈ അദൃശ്യ സാന്നിദ്ധ്യം കാരണം പിന്നീട് ഇതൊരു ദേശഭക്തിഗാനമായും കരുതപ്പെട്ടു. ലത മങ്കേഷ്കർ ഉൾപ്പെടെയുള്ള നിരവധി ഗായകരുടെ ഇഷ്ടഗാനമായി മാറി. ഇന്ന് കേൾക്കുന്നയാളുടെ മനോഗതമനുസരിച്ച് ഭക്തി, ദേശസ്നേഹം, പ്രചോദനം എന്നീ വിവിധ വികാരങ്ങൾ ഉൾക്കൊള്ളുന്ന ഗാനമാണിത്.