"""മേയര്‍ നായര്‍ (1966)"" എന്ന ചലച്ചിത്രത്തിലെ ഗാനമാണ് ""വൈശാഖപൌര്‍ണ്ണമി രാവില്‍ വെള്ളിനിലാവിന്‍... പാല്‍ക്കടല്‍ക്കരയില്‍... സങ്കല്‍പ്പഗന്ധര്‍വ്വനഗരം തീര്‍ക്കും സ്വപ്നസഖീ... സ്വപ്നസഖീ..."" എന്ന ഈ ഗാനം. വയലാർ രാമവർമ്മ എഴുതി, എല്‍ പി ആര്‍ വര്‍മ സംഗീതം നൽകി, പി ജയചന്ദ്രൻ ആലപിച്ച ഗാനം. 1966-ൽ പുറത്തിറങ്ങിയ മലയാളചലച്ചിത്രമാണ് മേയർ നായർ. കല്പനാ പ്രൊഡക്ഷൻസിന്റെ ബാനറിൽ പി.എ. തങ്ങൾ നിർമിച്ച എസ്.ആർ. പുട്ടണ്ണ സംവിധാനം ചെയ്ത് ഈ ചിത്രം വിതരണം ചെയ്ത കല്പനാ പിക്ചേഴ്സ് 1966 ഡിസംബർ 24-ന് പ്രദർശനത്തിനെത്തിച്ചു. തോമസ് ഹാർഡിയുടെ ദി മേയർ ഓഫ് കാസ്റ്റർബ്രിജ് എന്ന ഇംഗ്ലീഷ് നോവലിന്റെ കഥയെ ആസ്പദമാക്കി പണ്ഡിത സാഹിത്യകാരനായ ഡോക്ടർ എസ്.കെ. നായരാണ് ഇതിന്റെ കഥ തയ്യാറാക്കിയത്. കൃഷ്ണൻ നായർ എന്ന കഥാപത്രം മദ്രാസ് മേയറാകുന്നതും ദുർവൃത്തനായ മേയറെ ആരോവെടിവച്ചു കൊല്ലുന്നതു മായിരുന്നു ഇതിന്റെ ഇതിവൃത്തം. "