ഉഷ്ണഘടിക എന്നാൽ എല്ലാ നക്ഷത്രങ്ങളിലും വരുന്ന ഒരു അശുഭസമയമാണ്. മുഹൂര്‍ത്തം കൊള്ളുവാന്‍ പാടില്ലാത്ത ഒമ്പത് സമയ വിശേഷങ്ങളായ 'നവദോഷങ്ങളിലെ' ഒന്നാണ് ഉഷ്ണം, ഉഷ്ണശിഖ അഥവാ ഉഷ്ണഘടിക. ഈ സമയത്ത് ശുഭപ്രവർത്തികൾ മാത്രമല്ല പ്രശ്‌നം വെക്കുന്നത് പോലും ഉചിതമല്ലെന്നാണ് വിശ്വാസം. ഈ സമയത്തെ ഉഗ്രദേവതയുടെ രൂപത്തില്‍ അവതരിപ്പിക്കുന്ന രീതിയും കാണാം. ഏഴ് മുഖവും ഏഴ് കൈകളും വാലും കറുത്ത നിറവും പാറിപ്പറക്കുന്ന തലമുടിയും ഉള്ള ഈ ദേവത മുഴുവന്‍ പ്രപഞ്ചത്തെയും ദഹിപ്പിക്കാന്‍ ശക്തിയുള്ളതാണെന്ന് പറയപ്പെടുന്നു.