"രവീന്ദ്രനാഥ നാഥ ടാഗോർ കഥയ്ക്ക് തോപ്പിൽ ഭാസി തിരക്കഥ രചിച്ച് എം. കൃഷ്ണൻ നായർ സംവിധാനം ചെയ്ത 'അഗ്നിപരീക്ഷ' എന്ന സിനിമയിലെ ഗാനമാണ് ""ഉറങ്ങിക്കിടന്ന ഹൃദയം നീ ഉമ്മവെച്ചുമ്മവെച്ചുണർത്തി മനസ്സിൽ പതഞ്ഞ മധുരം നീ മറ്റൊരു പാത്രത്തിൽ പകർത്തി "" എന്നുള്ളത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. ഗാനഗന്ധർവ്വൻ കെ. ജെ യേശുദാസാണ് ഈ മനോഹര ഗാനം പാടിയിരിക്കുന്നത്. 1968 ൽ പുറത്തിറങ്ങിയ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് പ്രേം നസീർ, സത്യൻ, ഷീല, ശാരദ തുടങ്ങിയവരാണ്."