എസ്. എൽ പുരം സദാനന്ദൻ കഥയും തിരക്കഥയും എഴുതി എം. കൃഷ്ണൻ നായർ സംവിധാനം ചെയ്ത 'പഠിച്ച കള്ളൻ' എന്ന സിനിമയിലെ ഗാനമാണ് "ഉറക്കം വരാത്ത പ്രായം ഒന്നും ഒതുക്കാൻ വയ്യാത്ത പ്രായം എനിക്കും നിനക്കും വെണ്ണിലാവിനും എന്നും ഒരേ പ്രായം " എന്നത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. ഗാനഗന്ധർവ്വൻ കെ. ജെ യേശുദാസും പി. സുശീലയും ചേർന്നാണ് ഈ മനോഹര ഗാനം ആലപിച്ചിരിക്കുന്നത്. 1969 ൽ പുറത്തിറങ്ങിയ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് പ്രേം നസീർ, അടൂർ ഭാസി, മണവാളൻ ജോസഫ്, പാപ്പുക്കുട്ടി ഭഗവതർ തുടങ്ങിയവരാണ്.