"തോപ്പിൽ ഭാസി കഥയും തിരക്കഥയും എഴുതി എ. വിൻസെന്റ് സംവിധാനം ചെയ്ത 'തുലാഭാരം' എന്ന സിനിമയിലെ ഗാനമാണ് "" തൊഴിലാളി യൂണിയൻ - സിന്ദാബാദ് നഷ്ടപ്പെടുവാന്‍ വിലങ്ങുകള്‍ കിട്ടാനുള്ളതു പുതിയൊരു ലോകം"" എന്നുള്ളത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. മലയാളത്തിന്റെ ഭാവ ഗായകൻ പി. ജയചന്ദ്രനാണ് ഈ ഗാനം പാടിയിരിക്കുന്നത്. 1968 ൽ പുറത്തിറങ്ങിയ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് പ്രേം നസീർ, മധു, ശാരദ, ഷീല, തിക്കുറിശ്ശി സുകുമാരൻ നായർ, അടൂർ ഭാസി തുടങ്ങിയവരാണ്."