കടലമ്മ എന്ന ചിത്രത്തിലെ എസ് ജാനകി പാടിയ ഗാനമാണ് “തിരുവാതിരയുടെ നാട്ടീന്നോ”. കുഞ്ചാക്കോ സംവിധാനം ചെയ്ത് നിർമ്മിച്ച് പൊൻകുന്നം വർക്കിയുടെ രചനയിൽ 1963-ൽ പുറത്തിറങ്ങിയ ഒരു ഇന്ത്യൻ മലയാളം ഭാഷാ ചിത്രമാണ് കടലമ്മ. സത്യൻ, രാജശ്രീ, ബി എസ് സരോജ, മായ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന് സംഗീതം നൽകിയത് ജി ദേവരാജാണ്. ഉദയാ സ്റ്റുഡിയോയുടെ അണിയറപ്രവർത്തകരാണ് കഥ വികസിപ്പിച്ചത്. രസകരമായ സ്റ്റണ്ടുകൾ, നൃത്തങ്ങൾ, സ്‌പെഷ്യൽ ഇഫക്‌റ്റുകൾ, ക്യാമറ ട്രിക്കുകൾ, കോമഡി സീക്വൻസുകൾ എന്നിവയെല്ലാം ഉണ്ടായിരുന്നിട്ടും ചിത്രം പ്രേക്ഷകരെ ആകർഷിക്കുന്നതിൽ പരാജയപ്പെട്ടു.