"""ഗർജ്ജനം"" എന്ന ചലച്ചിത്രത്തിലെ ഗാനമാണ് ""തമ്പുരാട്ടീ നിന്റെ കൊട്ടാരത്തിൽ രതി- പ്പൊൻപാവയാടും അന്തപ്പുരത്തിൽ വന്നുവെങ്കിൽ താളമായി നിൻ പൊന്നും ചിലമ്പിനെ പുൽകിയെങ്കിൽ "" എന്ന ഈ ഗാനം. ശ്രീകുമാരൻ തമ്പിയുടെ വരികൾക്ക് ഇളയരാജ സംഗീതം നൽകി, പി ജയചന്ദ്രൻ ആലപിച്ച ഗാനം. ഗർജ്ജനം സി. വി. രാജേന്ദ്രന്റെ സംവിധാനത്തിൽ 1981-ൽ പുറത്തിറങ്ങിയ ഒരു മലയാളചലച്ചിത്രമാണ്. ഈ ചിത്രത്തിലെ നായക കഥാപാത്രത്തെ രജനീകാന്തും ബാലൻ കെ. നായർ, മാധവി, സുകുമാരി എന്നിവർ സഹ കഥാപാത്രങ്ങളേയും അവതരിപ്പിച്ചിരുന്നു. ഈ ചിത്രത്തിന്റെ യഥാർത്ഥ നായക വേഷം അവതരിപ്പിച്ചിരുന്നതു ജയനായിരുന്നു; അദ്ദേഹത്തെവച്ച് ചിത്രത്തിന്റെ ഏതാനും രംഗങ്ങൾ നേരത്തേ ചിത്രീകരിക്കുകയും ചെയ്തിരുന്നു. എന്നാൽ അപ്രതീക്ഷിതവും പെട്ടെന്നുള്ളതുമായ അദ്ദേഹത്തിന്റെ മരണം നിമിത്തമായി പിന്നീട് രജനികാന്ത് നായകനായി ചിത്രം പൂർത്തിയാക്കപ്പെട്ടു. രജനീകാന്തിന്റെ രണ്ടാമത്തേയും അവസാനം അഭിനയിച്ചതുമായ മലയാള ചിത്രമായിരുന്നു ഇത്."