1972-ൽ പുറത്തിറങ്ങിയ ടാക്സി കാർ എന്ന സിനിമയിലെ ഒരു മലയാളം ഗാനമാണ് “സ്വപ്നത്തിൽ വന്നവൾ ഞാൻ”. ഈ ഗാനം ആലപിച്ചത് പിന്നണി ഗായിക പി.മാധുരിയാണ്. ഈ ഗാനത്തിന്റെ വരികൾ എഴുതിയിരിക്കുന്നത് ശ്രീകുമാരൻ തമ്പിയാണ്. സംഗീത സംവിധായകൻ ആർ കെ ശേഖർ മനോഹരമായി ഈ ഗാനം ചിട്ടപ്പെടുത്തിയിരിക്കുന്നു. സ്വപ്നത്തിൽ വന്നവൾ ഞാൻ,സ്വരധാര പെയ്തവൾ ഞാൻ,മധുരാനുഭൂതിതൻ വർണ്ണരേണുക്കളാൽ,മഴവില്ലു തീർത്തവൾ ഞാൻ - നിൻമനസ്സിൽ,മഴവില്ലു തീർത്തവൾ ഞാൻ, (സ്വപ്നത്തിൽ..),അഴകിന്റ്റെ വനങ്ങളിൽ തപസ്സിരുന്നു,ആനന്ദസ്വർഗ്ഗങ്ങൾ കീഴടക്കി,ആയിരമായിരമാഷാഢരാത്രികൾ,ആരാധകർക്കായി ഞാനൊരുക്കി,സുമവാടിയിൽ സുമവേദിയിൽ,മധുപാത്രവും മധുരമോഹവും,തുളുമ്പുന്നൂ വിതുമ്പുന്നൂ (സ്വപ്നത്തിൽ..),മായുന്ന മാനത്തെ കലയല്ല,മാലാഖമാരുടെ സഖിയല്ല,ആലോലസുന്ദരമീരാഗഭൂമിയിൽ,ആനന്ദമേകും നർത്തകി ഞാൻ,സുമവാടിയിൽ സുഖവേദിയിൽ,മധുപാത്രവും മധുരമോഹവും,തുളുമ്പുന്നൂ വിതുമ്പുന്നൂ (സ്വപ്നത്തിൽ...)