"സുന്ദരീ നിൻ തുമ്പു കെട്ടിയിട്ട ചുരുൾ മുടിയിൽ" എന്ന ഗാനം ദശാബ്ദങ്ങളായി മലയാളത്തിലെ ഏറ്റവും ജനപ്രിയമായ പ്രണയ ഗാനങ്ങളുടെ മുന്നിൽത്തന്നെയുണ്ട്. ചിത്രം "ശാലിനി എന്റെ കൂട്ടുകാരി". എം ഡി രാജേന്ദ്രന്റെ വരികൾക്ക് ദേവരാജൻ ഈണം നൽകി. പാടിയത് ഗാനഗന്ധർവൻ യേശുദാസ്. 80 കളിൽ ക്യാംപസുകളുടെ ഹരമായിരുന്നു ഈ പാട്ട്. ചെറുപ്രായത്തിൽ ദേശീയ അംഗീകാരം നേടുകയും, എന്നാൽ ഏവരേയും ദുഃഖത്തിലാഴ്ത്തി മരണത്തിന് കീഴടങ്ങിയ ശോഭയുടെ സാന്നിദ്ധ്യം ഈ ഗാനത്തിന്റെ പ്രത്യേകതയാണ്.