"""കൊച്ചനിയത്തി"" എന്ന ചലച്ചിത്രത്തിലെ ഗാനമാണ് ""സുന്ദരരാവിൽ... ചന്ദനമുകിലിൽ മന്ത്രങ്ങളെഴുതും ചന്ദ്രികേ അനുരാഗത്തിൻ ആദ്യനൊമ്പരം ആത്മനാഥനൊടെങ്ങിനെ പറയും"" എന്ന ഈ ഗാനം. ശ്രീകുമാരൻ തമ്പി എഴുതി, പുകഴേന്തി സംഗീതം നൽകി, എസ് ജാനകി ആലപിച്ച ഗാനം. രാഗം - വലചി. നീലയുടെ ബാനറിൽ പി. സുബ്രഹ്മണ്യം സംവിധാനം ചെയ്തു നിർമിച്ച മലയാളചലച്ചിത്രമാണ് കൊച്ചനിയത്തി. എ കുമാരസ്വാമി റിലീസിംഗ് കമ്പനി വിതരണം ഈ ചിത്രം 1971 ഡിസംബർ 24-ന് കേരളത്തിൽ പ്രദർശിപ്പിച്ചു തുടങ്ങി. രചന, തിരക്കഥ എന്നിവ എസ്.എൽ. പുരം സദാനന്ദൻ ആണ്. ഈ ചിത്രത്തിലെ അഭിനേതാക്കൾ മധു, വിൻസെന്റ്, എം.ജി. സോമൻ, ജയഭാരതി, കെ.വി. ശാന്തി തുടങ്ങിയവർ."