"വേണു നാഗവള്ളി കഥയും തിരക്കഥയും എഴുതി സംവിധാനം ചെയ്ത 'കിഴക്കുണരും പക്ഷി' എന്ന സിനിമയിലെ ഗാനമാണ് "" സൗപർണ്ണികാമൃത വീചികൾ പാടും നിന്റെ സഹസ്രനാമങ്ങൾ ജഗദംബികേ മൂകാംബികേ"" എന്നുള്ളത്. കെ. ജയകുമാറിന്റെ വരികൾക്ക് ഈണം നൽകിയിരിക്കുന്നത് രവീന്ദ്രൻ മാഷാണ്. ഗാനഗന്ധർവ്വൻ കെ. ജെ യേശുദാസാണ് ഈ ഗാനം പാടിയിരിക്കുന്നത്. 4 മിനിറ്റ് 43 സെക്കന്റാണ് ഗാനത്തിന്റെ ദൈർഘ്യം. 1991 ൽ പുറത്തിറങ്ങിയ ചിത്രത്തിൽ പ്രധാന വേഷങ്ങൾ അവതരിപ്പിച്ചിരിക്കുന്നത് മോഹൻലാൽ, സുകുമാരി, അശോകൻ, മുരളി, ഇന്നസെന്റ്, നെടുമുടി വേണു, ജഗതി ശ്രീകുമാർ തുടങ്ങിയവരാണ്."