"""സീമന്തപുത്രൻ"" എന്ന ചലച്ചിത്രത്തിലെ ഗാനമാണ് ""സ്നേഹത്തിന്‍ കോവിലില്‍ പൂത്താലമേന്താന്‍ സ്ത്രീജന്മം തന്നു ദൈവം -സ്ത്രീജന്മം തന്നു ദൈവം സൗന്ദര്യം തന്നു സങ്കല്‍പ്പം തന്നു സങ്കടങ്ങള്‍ തന്നു ദൈവം"" എന്ന ഈ ഗാനം. ഗാനം ആലപിച്ചത് പി സുശീല ആണ്. രചന - ശ്രീകുമാരൻ തമ്പി, ഈണം നൽകിയത് എം കെ അർജ്ജുനൻ ആണ്. വി.പി. സാരഥിയുടെ കഥക്ക് എം.ആർ. ജോസഫ് തിരക്കഥയും സംഭാഷണവും രചിച്ച് ശ്രീ സായി പ്രൊഡക്ഷൻസിന്റെ ബാനറിൽ ആർ എസ് ശ്രീനിവാസൻ നിർമ്മിച്ച് എ.ബി. രാജ് സംവിധാനം ചെയ്ത് 1976ൽ പുറത്തിറങ്ങിയ ഒരു ചിത്രമാണ് സീമന്തപുത്രൻ. പ്രേം നസീർ, അടൂർ ഭാസി, എം.ജി. സോമൻ, ജയഭാരതി തുടങ്ങിയവർ പ്രധാനവേഷങ്ങലിൽ അഭിനയിച്ച ഈ ചിത്രത്തിന്റെ പശ്ചാത്തലസംഗീതം ആർ.കെ. ശേഖറിന്റെതാണ്. ശ്രീകുമാരൻ തമ്പിയുടെ വരികൾക്ക് എം.കെ. അർജ്ജുനൻ ഈണം പകർന്ന ഗാനങ്ങളാണ് ഈ ചിത്രത്തിലുള്ളത്. "