യു.പി ടോമി കഥയും തിരക്കഥയും സംഭാഷണവും സംവിധാനവും ചെയ്ത് ചിമ്മി പ്രകാശ്,ഊർമ്മിള, അംബിക, കെ പി ഉമ്മർ എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് "സമയമായില്ല പോലും". ഈ സിനിമയ്ക്ക് വേണ്ടി ഒ.എൻ. വി കുറുപ്പ് വരികളെഴുതി സലിൽ ചൗധരി ഈണം നൽകിയ ഗാനമാണ് "ശ്യാമ മേഘമേ നീയെന്‍ പ്രേമ ദൂതുമായ് ദൂരേ പോയ് വരൂ" എന്നുള്ളത്. ഈ ഗാനം പാടിയിരിക്കുന്നത് കെ.ജെ യേശുദാസാണ്. കാമുകൻ താൻ സ്നേഹിക്കുന്ന പെൺകുട്ടിയോട് തന്റെ സ്നേഹം ഒരു പാട്ടിലൂടെ പറഞ്ഞറിയിക്കുന്നതാണ് ഗാനരംഗം. തന്റെ പാട്ടിലൂടെ തന്റെ മനസ്സ്‌ തുറക്കുകയാണ് അയാൾ.