"നാഗവല്ലി ആർ. എസ്.കുറുപ്പ് തിരക്കഥ എഴുതി പി. സുബ്രഹ്മണ്യം സംവിധാനം ചെയ്ത 'കുമാരസംഭവം' എന്ന സിനിമയിലെ ഗാനമാണ് ""ശരവണപ്പൊയ്കയിൽ അവതാരം ശ്രീ ശിവപഞ്ചാക്ഷരം തേജ: സാരം മുരുകാ ശ്രീ മുരുകാമൂവുലകിനു നീ ആധാരം"" എന്നുള്ളത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. കമുകറ പുരുഷോത്തമൻ, പി. ലീലാ എന്നിവർ ചേർന്നാണ് ഈ മനോഹര ഗാനം പാടിയിരിക്കുന്നത്. 1969ൽ പുറത്തിറങ്ങിയ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് ജെമിനി ഗണേശൻ, ശ്രീദേവി, പത്മിനി, ശ്രീവിദ്യ, തിക്കുറിശ്ശി സുകുമാരൻ നായർ തുടങ്ങിയവരാണ്. കേരള സംസ്ഥാന സർക്കാരിന്റെ മികച്ച സിനിമയ്ക്കുള്ള അവാർഡ്‌ ഈ ചിത്രം കരസ്ഥമാക്കിയിട്ടുണ്ട്."