"ശരദിന്ദു മലർദീപ നാളം നീട്ടി സുരഭിലയാമങ്ങൾ ശ്രുതി മീട്ടി ഇതു വരെ കാണാത്ത കരയിലേക്കോ ഇനിയൊരു ജന്മത്തിന് കടവിലേക്കോ മധുരമായ് പാടി വിളിക്കുന്നു ആരോ മധുരമായ് പാടി വിളിക്കുന്നു ശരദിന്ദു മലർദീപ നാളം നീട്ടി സുരഭിലയാമങ്ങൾ ശ്രുതി മീട്ടി അറിയാത്തൊരിടയന്റെ വേണുഗാനം അകലേ നിന്നെത്തുന്ന വേണുഗാനം ഹൃദയം കൊതിച്ചു കൊതിച്ചിരിക്കും പ്രണയ സന്ദേശം പകർന്നു പോകെ.ഹരിനീല കംബളചുരുൾ നിവർത്തി വരവേൽക്കും സ്വപ്നങ്ങൾ നിങ്ങളാരോ വരവേൽക്കും സ്വപ്നങ്ങൾ നിങ്ങളാരോ" - 1979-ൽ പുറത്തിറങ്ങിയ 'ഉൾക്കടൽ' എന്ന മലയാള സിനിമയിലെ മനോഹരമായ ഒരു ഗാനമാണിത്. ജയചന്ദ്രനും സെൽമ ജോർജും ചേർന്നാണ് ഈ ഗാനം ആലപിച്ചത്. എം ബി ശ്രീനിവാസനാണ് സംഗീത സംവിധാനം നിർവഹിച്ചത്. ഒ എൻ വി കുറുപ്പാണ് ഈ ഗാനത്തിന്റെ വരികൾ എഴുതിയത്.