"""ഉൾക്കടൽ"" എന്ന ചലച്ചിത്രത്തിലെ ഗാനമാണ് ""ശരദിന്ദു മലർദീപ നാളം നീട്ടി സുരഭിലയാമങ്ങൾ ശ്രുതി മീട്ടി..(2) ഇതു വരെ കാണാത്ത കരയിലേക്കോ..ഇനിയൊരു ജന്മത്തിന്‍ കടവിലേക്കോ.. മധുരമായ് പാടി വിളിക്കുന്നു..ആരോ മധുരമായ് പാടി വിളിക്കുന്നു.."" എന്ന ഈ ഗാനം. പി ജയചന്ദ്രൻ, സെൽമ ജോർജ് എന്നിവരാണ് ആലപിച്ചത് . കെ.ജി. ജോർജിന്റെ സംവിധാനത്തിൽ വേണു നാഗവള്ളി, ശോഭ എന്നിവർ പ്രധാനവേഷങ്ങളിൽ അഭിനയിച്ച് 1979-ൽ പ്രദർശനത്തിനിറങ്ങിയ ഒരു മലയാളചലച്ചിത്രമാണ് ഉൾക്കടൽ. മലയാളത്തിലെ ആദ്യ‌ത്തെ ക്യാമ്പസ് ചലച്ചിത്രമായി കണക്കാക്കപ്പെടുന്ന ഈ ചലച്ചിത്രത്തിന്റെ കഥ ജോർജ്ജ് ഓണക്കൂറിന്റെ ഉൾക്കടൽ എന്ന നോവലിൽ നിന്നാണ് എടുത്തിട്ടുള്ളത്. പ്രശസ്ത നടനായ തിലകൻ ആദ്യം അഭിനയിച്ച ചലച്ചിത്രമാണ് ഉൾക്കടൽ. ഓഎൻ വി യുടെ തൂലികയിൽ പിറന്ന എം ബി ശ്രീനിവാസൻ ഈണമിട്ട മലയാളത്തിലെ 4 അതുല്യ ഗാനങ്ങളാണ് ഈ ചിത്രത്തിന്റെ മറ്റൊരാകർഷണം."