"""അതിഥി"" എന്ന ചലച്ചിത്രത്തിലെ ഗാനമാണ് സീമന്തിനീ... സീമന്തിനീ നിന്റെ ചൊടികളിലാരുടെ പ്രേമമൃദുസ്മേരത്തിൻ സിന്ദൂരം ആരുടെ കൈനഖേന്ദു മരീചികളിൽ കുളിച്ചാകെ തളിർത്തു നിൻ കൗമാരം "" എന്ന ഈ ഗാനം. വയലാർ രാമവർമ്മ എഴുതി, ജി ദേവരാജൻ സംഗീതം നൽകി, കെ ജെ യേശുദാസ് ആലപിച്ച ഗാനം. രാഗം - സിന്ധുഭൈരവി. 1975-ൽ പുറത്തിറങ്ങിയ ഒരു മലയാളചലച്ചിത്രമാണ് അതിഥി. എം.പി. രാമചന്ദ്രൻ നിർമിച്ചതാണ് ഈ ചിത്രം. ദീപ്തി റിലീസ് വിതരണം ചെയ്ത ചിത്രം 1975 മെയ് 2-ന് പ്രദർശനം തുടങ്ങി. ചിത്രത്തിലെ വയലാർ രാമവർമ്മ രചിച്ച ഗാനങ്ങൾക്ക് ജി. ദേവരാജൻ ഈണം പകർന്നിരിക്കുന്നു. അയിരൂർ സദാശിവൻ, യേശുദാസ്, മാധുരി എന്നിവരാണ് ചിത്രത്തിലെ ഗാനങ്ങൾ ആലപിച്ചത്. അഭിനേതാക്കൾ പി.ജെ. ആന്റണി, ഷീല, ബാലൻ കെ. നായർ, കൊട്ടാരക്കര ശ്രീധരൻ നായർ, സന്ധ്യ, ശാന്താദേവി തുടങ്ങിയവർ."