அனைத்து உயிரினங்களும் எளிமையான வடிவத்திலிருந்து சிக்கலான அமைப்பு நிலையாக உருவாகின்றன. அவை ஒரு செல்லாக, பல செல்களாக, திசுக்களாக, உறுப்பு நிலை மற்றும் உறுப்பு மண்டல நிலைகளாக அமைக்கப்படுகின்றன. ஓர் உயிரினத்தின் அடிப்படை அலகு செல் ஆகும். ஓர் உயிரினத்தின் பல்வேறு உறுப்புகளும் உறுப்பு மண்டலங்களும் ஒன்றுடன் ஒன்று ஒருங்கமைந்து இணைவாக சார்ந்து செயலாற்றுகின்றன. உறுப்பு மண்டலங்கள் அனைத்தும் இணைவாக செயலாற்றி உயிரினத்தின் உடலினை ஓர் மாறா நிலையில் அல்லது சமச்சீர் நிலையில் (ஹோமியோஸ்டேடிக்) பராமரிக்கின்றன. இந்த விளக்கக்காட்சியின் பகுதி ஒன்றில் விலங்குகளின் உறுப்பு மண்டலங்களான, மனிதனின் செரிமான மண்டலம், உணவுப் பாதையின் அமைப்பு, வாய், பற்களின் வகைகளும் அவற்றின் பணிகளும், உமிழ்நீர்ச் சுரப்பிகள், நாக்கு, தொண்டை, உணவுக் குழல், இரைப்பை மற்றும் சிறுகுடல் பற்றி விரிவாக காணலாம். இவ்விளக்கக்காட்சியை பதிவிறக்கம் செய்து படித்து மகிழுங்கள்!