പഴയ അമൂല്യ ഗാന ശേഖരത്തിലെ ഒരു കലാ രത്നം എന്ന് വിശേഷിപ്പിക്കാവുന്ന ഗാനം. 'പത്മരാഗം' എന്ന ചിത്രത്തിലേതാണ് ഈ ഗാനം. സുഖകരമായ ഒരു അനുഭവം പ്രദാനം ചെയ്യുന്ന കേൾക്കാൻ ഇമ്പമുള്ള ഒരു ഗാനം. 1975-ൽ പുറത്തിറങ്ങിയ ഈ ചിത്രം സംവിധാനം ചെയ്തിരിക്കുന്നത് ശശികുമാറാണ്. ഗാനരചയിതാവായ ശ്രികുമാരൻ തമ്പിയാണ് വരികൾ രചിച്ചിരിക്കുന്നത്. എം. കെ. അർജുനൻ മാസ്റ്റർ വളരെ ഭംഗിയായി ഈണം നൽകിയിരിക്കുന്നു. നിത്യഹരിത നായകനായ പ്രേം നസീറും ശാലീന സുന്ദരിയായ ജയഭാരതിയുമാണ് ഈ ഗാനരംഗം അവതരിപ്പിച്ചിരിക്കുന്നത്.