"സർവ്വേക്കല്ല്" എന്ന നാടകത്തിലെ ഗാനമാണ് "പിരിയൂ സഖീ നിൻ ഹൃദയസംഗീതം അകലേ അകലേ അലിഞ്ഞു മാഞ്ഞൂ ഇരുളിൽ വിടർന്നൊരെന്നുൾക്കുളിർ പൂവിന്റെ ഇതളുകൾ തോറും നീ ഉമ്മ നൽകീ നിറയുമെൻ കൺകളും നിന്നാത്മനാദത്തിൻ ഉറവയുമൊന്നായ് കരഞ്ഞതില്ലേ" എന്ന ഈ ഗാനം. ഒ എൻ വി കുറുപ്പ് എഴുതി , ജി ദേവരാജൻ സംഗീതം നൽകിയ ഗാനം. ആലപിച്ചത് കെ സുലോചന. ഈ നാടകത്തിന്റെ രചയിതാവ് തോപ്പിൽഭാസി ആണ്. മലയാള നാടകകൃത്തും തിരക്കഥാകൃത്തും ചലച്ചിത്രസം‌വിധായകനുമായിരുന്നു തോപ്പിൽ ഭാസി (1924 – 1992). യഥാർത്ഥനാമം തോപ്പിൽ ഭാസ്കരപിള്ള. മലയാളനാടകപ്രസ്ഥാനത്തിന് മൗലിക സംഭാവന നല്കിയ നാടകകൃത്തും ഇന്ത്യൻ കമ്മ്യൂണിസ്റ്റ് പാർട്ടി നേതാവും നിയമസഭാ സാമാജികനും കൂടിയായിരുന്നു തോപ്പിൽ ഭാസി.