"""സ്വാമി അയ്യപ്പന്‍ (1975)"" എന്ന ചലച്ചിത്രത്തിലെ ഗാനമാണ് ""ശബരിമലയിൽ തങ്കസൂര്യോദയം ഈ സംക്രമപ്പുലരിയിൽ അഭിഷേകം ഭക്തകോടി തേടിയെത്തും സന്നിധാനത്തിൽ വന്നെത്തുമെന്റെ ഹൃദയവും ഉടുക്കും കൊട്ടി"" എന്ന ഈ ഗാനം. വയലാർ രാമവർമ്മയുടെ വരികൾക്ക് ജി ദേവരാജൻ സംഗീതം നൽകി, കെ ജെ യേശുദാസ് ആലപിച്ച ഗാനം. രാഗം - ആനന്ദഭൈരവി. മെരിലാന്റിന്റെ ബാനറിൽ പി. സുബ്രഹ്മണ്യം സംവിധാനം ചെയ്ത് 1975-ൽ പുറത്തിറങ്ങിയ മലയാളചലച്ചിത്രമാണ് സ്വാമി അയ്യപ്പൻ. ശബരിമല അയ്യപ്പൻ എന്ന ഹൈന്ദവ ആരാധനാമൂർത്തിയുടെ കഥ പറയുന്ന ഈ ചിത്രത്തിന്റെ നിർമ്മാണവും പി. സുബ്രഹ്മണ്യമാണ് നിർവഹിച്ചിരിക്കുന്നത്. ജെമിനി ഗണേശൻ, തിക്കുറിശ്ശി സുകുമാരൻ നായർ, മാസ്റ്റർ രഘു തുടങ്ങിയവരായിരുന്നു ചിത്രത്തിലെ പ്രധാന അഭിനേതാക്കൾ. മലയാളത്തിലും തമിഴിലും റിലീസ് ചെയ്ത ഈ ചിത്രത്തിന് ആ വർഷത്തെ കേരളസംസ്ഥാന ചലച്ചിത്രപുരസ്കാരത്തിൽ നാല് പുരസ്കാരങ്ങൾ ലഭിച്ചു. 1975-ലെ ബോക്സ്‌ ഓഫീസ് വിജയ ചിത്രമായിരുന്നു സ്വാമി അയ്യപ്പൻ"