తెలుగు వ్యాకరణంలో సమాసాలు ఒక భాగం. సమాసములు అంటే వేరు వేరు అర్ధములు కలిగిన ఒకే పదం. అంటే రెండు సమర్ధవంతమైన పదాలు కలిసి ఒకటే అర్ధం ఇచ్చినట్లు ఏకమైతే దానిని సమాసము అంటారు. ఉదాహరణకు నల్ల మరియు కలువ అన్నవి రెండు పదాలు. ఆ రెండిటిని ఏకం చేస్తే ‘నల్లకలువ’ అనే ఒక అర్ధవంతమైన పదం ఏర్పడుతుంది. ఈ పదాల మధ్య ఉన్నదే సమాసం. సాధారణంగా సమాసంలో రెండు పదాలు ఉంటాయి. వాటిలో మొదటి పదమును పూర్వపదము అని అంటారు. అలాగే రెండవ పదమును ఉత్తర పదము అని అంటారు. ఈ సమాసాలలో చాలా రకాలు ఉంటాయి. అందులో కొన్ని సంస్కృత సమాసాలు అయితే, కొన్ని తెలుగు సమాసాలు. ఈ ప్రదర్శనలో వాటి గురించి ఉదాహరణలతో సహా వివరంగా తెలియజేయడం జరిగింది.