"""പത്താം നിലയിലെ തീവണ്ടി"" എന്ന ചിത്രത്തിലെ ഗാനമാണ് ""രാമായണം കഥ പാടും കിളി എന്റെ ആരണ്യ കാണ്ഡത്തിന്നിളവില്ലയോ ജനിമോക്ഷമാകുവാനായ് ജപതീർത്ഥമായ് മാറാം രാമാ...രാമാ....രാമാ...രാമാ..."" എന്ന ഈ ഗാനം. ഷിബു ചക്രവർത്തി എഴുതി എസ് പി വെങ്കടേഷ് സംഗീതം നൽകി മധു ബാലകൃഷ്ണൻ ആലപിച്ച ഗാനം. 2009-ൽ പുറത്തിറങ്ങിയ ഒരു മലയാളചലച്ചിത്രമാണ് പത്താം നിലയിലെ തീവണ്ടി (Train in the 10th floor). ഒരു ചിത്തഭ്രമ (സ്കിറ്റ്സോഫ്രീനിയ) രോഗിയുടെ ജീവിതവും ഒറ്റപ്പെടലുമാണ് ഈ ചലച്ചിത്രത്തിന്റെ പ്രമേയം. ഡെന്നിസ് ജോസഫ് തിരക്കഥയെഴുതിയ ഈ ചിത്രത്തിന്റെ സംവിധാനം നിർവ്വഹിച്ചിരിക്കുന്നത് ജോഷി മാത്യൂ ആണ്. ഡെന്നിസ് ജോസഫ് തന്നെ കലാകൗമുദിയിൽ എഴുതിയ ഒരു ചെറുകഥയെ അടിസ്ഥാനമാക്കിയാണ് ചലച്ചിത്രം നിർമ്മിച്ചിരിക്കുന്നത്. ഇന്നസെന്റ്, ജയസൂര്യ, അനൂപ് മേനോൻ, മീര നന്ദൻ തുടങ്ങിയവർ കേന്ദ്രകഥാപാത്രങ്ങളെ അവതരിപ്പിച്ചിരിക്കുന്നു. കേരളത്തിന്റെ പതിനാലാം അന്തർദേശീയ ചലച്ചിത്രമേളയിൽ മികച്ച മലയാളചിത്രത്തിനുള്ള ഫിപ്രസി പുരസ്കാരം പത്താം നിലയിലെ തീവണ്ടി നേടി."