എ കെ ലോഹിതദാസ് കഥയും തിരക്കഥയും എഴുതി സിബി മലയിൽ സംവിധാനം ചെയ്ത് മോഹൻലാൽ, ഉർവശി, നെടുമുടിവേണു, ലക്ഷ്മി എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് ഭരതം , ഈ സിനിമയ്ക്ക് വേണ്ടി കൈതപ്രം ദാമോദരൻ നമ്പൂതിരി വരികളെഴുതി രവീന്ദ്രൻ മാഷ് ഈണം നൽകിയ ഗാനമാണ് "രാമകഥാ ഗാനലയം" എന്നുള്ളത്. ഈ ഗാനം പാടിയിരിക്കുന്നത് കെ.ജെ യേശുദാസാണ്. സ്വന്തം സഹോദരന്റെ മരണത്തിനുശേഷം ആ വാർത്ത തന്റെ മാത്രം ഉള്ളിലൊതുക്കി വീട്ടിൽ ആരെയുമറിയിക്കാതെ വീട്ടുകാരുടെ മുൻപിൽ ശാന്തമായി പിടിച്ചുനിൽക്കുന്ന കഥാനായകന്റെ എല്ലാ വേദനകളും ഉൾക്കൊള്ളുന്ന ഒരു ഗാനമാണിത്. സാഹചര്യത്തിന്റെ തീവ്രത ചോരാതെ പ്രേക്ഷകരിലേക്ക് എത്തിക്കാൻ അഭിനേതാവായി മോഹൻലാലിനും ഗാനരചയിതാവായ കൈതപ്രം ദാമോദരൻ നമ്പൂതിരിക്കും സംഗീതസംവിധായകനായ രവീന്ദ്രൻ മാഷിനും പൂർണമായും സാധിച്ചു.