കുഞ്ചാക്കോ സംവിധാനം ചെയ്ത് നിർമ്മിച്ച് 1968-ൽ പുറത്തിറങ്ങിയ മലയാളചലച്ചിത്രമാണ് പുന്നപ്ര വയലാർ. പ്രേം നസീർ, ഷീല, അടൂർ ഭാസി, പി.ജെ.ആന്റണി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. കെ രാഘവനാണ് ചിത്രത്തിന് സംഗീതം നൽകിയത്. വയലാർ രാമവർമയും പി.ഭാസ്‌കരനും ചേർന്നാണ് വരികൾ എഴുതിയത്. എസ് എൽ പുരം സദാനന്ദന്റേതാണ് കഥയും സംഭാഷണവും. ഛായാഗ്രഹണം പി ദത്തുവും കലാസംവിധാനം ജെജെ മിറാൻഡയും ആയിരുന്നു. വൈക്കം മൂർത്തിയുടെ കൊറിയോഗ്രഫിയും കെ വേലപ്പൻ മേക്കപ്പ് ആർട്ടിസ്റ്റുമായിരുന്നു.