"2009 ൽ പുറത്തിറങ്ങിയ ""റോബിൻഹുഡ്"" എന്ന മലയാള ചിത്രത്തിലെ ഗാനമാണ് ""പ്രിയനു മാത്രം ഞാൻ തരാം മധുരമീ പ്രണയം"". കൈതപ്രത്തിന്റെ വരികൾക്ക് എം.ജയചന്ദ്രന്റെ സംഗീതം. വിജയ് യേശുദാസും ശ്വേതാ മോഹനും ചേർന്ന് ഈ ഗാനം ആലപിച്ചു. ദർബാറികാനഡ എന്ന രാഗത്തിൽ ആണ് ഈ ഗാനം ചിട്ടപ്പെടുത്തിയത്. സച്ചി സേതു കൂട്ടുകെട്ടിൽ ആണ് ഈ ചിത്രത്തിന്റെ കഥ,തിരക്കഥ,സംഭാഷണം എന്നിവ നിർവഹിച്ചത്. ജോഷി ആണ് ഈ ക്രൈം ത്രില്ലറിന്റെ സംവിധായകൻ. പി.കെ.മുരളീധരനും ശാന്ത മുരളീധരനും ചേർന്നു നിർമ്മിച്ചു."