2009 ൽ പുറത്തിറങ്ങിയ "നമ്മൾ തമ്മിൽ" എന്ന ചിത്രത്തിലെ ഒരു ഗാനമാണ് "പ്രിയനേ ഉറങ്ങിയില്ലേ വെറുതേ പിണങ്ങിയല്ലേ". ഡോ.കെ.ജെ. യേശുദാസും സുജാത മോഹനും ചേർന്ന് ആലപിച്ച ഈ ഗാനം രചിച്ചത് ഗിരീഷ് പുത്തഞ്ചേരിയാണ്. സംഗീതം നൽകിയിരിക്കുന്നത് എം.ജയചന്ദ്രൻ. 2004ൽ ചിത്രീകരണം പൂർത്തിയായ ഈ ചിത്രം 5 വർഷത്തിന് ശേഷം 2009 ൽ ആണ് പുറത്തിറങ്ങുന്നത്. എവർഷൈൻ പ്രൊഡക്ഷൻസിന്റെ ബാനറിൽ ആണ് ഈ ചിത്രം നിർമ്മിച്ചിരിക്കുന്നത്. വിജി തമ്പിയാണ് ചിത്രത്തിന് കഥയും സംവിധാനവും നിർവഹിച്ചത്.