"മനസ്സിലെ പ്രണയത്തെ ഗാനരൂപത്തിൽ വരച്ചിടുന്ന ഗാനമാണ്" പ്രാണസഖീ ഞാൻ വെറുമൊരു പാമരനാം പാട്ടുകാരൻ"". ഒരാൾ തന്റെ സ്നേഹത്തെ, നിസ്സഹായതയെ ഇതിലും നന്നായി കോറിവെയ്ക്കുന്നത് എങ്ങനെ!! 'പരീക്ഷ' എന്ന സിനിമയിയിലേതാണ് ഈ ഗാനം. എൻ. ഗോപിനാഥൻ നായർ തിരക്കഥയും സംഭാഷണവും എഴുതി പി. ഭാസ്കരൻ സംവിധാനം ചെയ്ത ഈ സിനിമയിൽ പ്രധാന വേഷങ്ങൾ അഭിനയിച്ചിരിക്കുന്നത് പ്രേം നസീർ, ശാരദാ, അടൂർ ഭാസി തുടങ്ങിയവരാണ്. പി ഭാസ്കരൻ വരികൾക്ക് എം.എസ് ബാബുരാജാണ് ഈണം നൽകിയിരിക്കുന്നത്. യേശുദാസ് ആണ് ഗാനം ആലപിച്ചിരിക്കുന്നത്. നായകൻ താൻ സ്നേഹിക്കുന്ന പെൺകുട്ടിയോട് തന്റെ സ്നേഹവും തന്റെ മനസ്സിലെ ആഗ്രഹങ്ങളുമോക്കെ ഒരു പാട്ടിലൂടെ പുറത്തേക്ക് കൊണ്ടു വരുന്നതാണ് ഗാനത്തിലെ രംഗം.