"""പരീക്ഷ"" എന്ന ചലച്ചിത്രത്തിലെ ഗാനമാണ് ""പ്രാണസഖീ.... പ്രാണസഖീ.... പ്രാണസഖീ ഞാൻ വെറുമൊരു പാമരനാം പാട്ടുകാരൻ ഗാനലോക വീഥികളിൽ വേണുവൂതും ആട്ടിടയൻ പ്രാണസഖീ ഞാൻ വെറുമൊരു പാമരനാം പാട്ടുകാരൻ പ്രാണസഖീ ഞാൻ.... "" എന്ന ഈ ഗാനം. പി ഭാസ്ക്കരൻ എഴുതി, എം എസ് ബാബുരാജ് സംഗീതം നൽകി, കെ ജെ യേശുദാസ് ആലപിച്ച ഗാനം. രാഗം - സിന്ധുഭൈരവി. റാണിഫിലിംസിനുവേണ്ടി വാസു മേനോൻ നിർമിച്ച മലയാളചലച്ചിത്രമാണ് പരീക്ഷ. വാസുസ്റ്റുഡിയോയിൽ വച്ചുനിർമിച്ച പ്രസ്തുത ചിത്രത്തിന്റെ വിതരണ ചുമതല ഭാരതിപിക്ചേഴ്സിനായിരുന്നു. 1967 ഒക്ടോബർ 19-ന് ഈ ചിത്രം കേരളത്തിലെ തിയേറ്ററുകളിൽ പ്രദർശനം തുടങ്ങി. കഥ, തിരക്കഥ, സംഭാഷണം - ടി.എൻ. ഗൊപിനാഥൻ നായർ ആയിരുന്നു. ഈ ചിത്രത്തിലെ അഭിനേതാക്കൾ തിക്കുറിശ്ശി, പ്രേം നസീർ, അടൂർ ഭാസി, ശാരദ, ടി.ആർ. ഓമന തുടങ്ങിയവർ. "