"""അഥർവ്വം"" എന്ന ചലച്ചിത്രത്തിലെ ഗാനമാണ് ""പൂവായ് വിരിഞ്ഞൂ... പൂന്തേൻ കിനിഞ്ഞൂ... പൂവായ് വിരിഞ്ഞൂ പൂന്തേൻ കിനിഞ്ഞൂ പൂച്ചൊല്ലു തേൻചൊല്ലുതിർന്നൂ (2) ആ കൈയ്യിലോ അമ്മാനയാട്ടം ഈ കൈയ്യിലോ പാൽക്കാവടി കാലം പകർന്നു തുടിതാളം..."" എന്ന ഈ ഗാനം. ഒ എൻ വി കുറുപ്പ് എഴുതി ഇളയരാജ സംഗീതം നൽകി എം ജി ശ്രീകുമാർ ആലപിച്ച ഗാനം. രാഗം - കീരവാണി. ഡെന്നീസ് ജോസഫിന്റെ സംവിധാനത്തിൽ മമ്മൂട്ടി, കെ.ബി. ഗണേഷ് കുമാർ, ചാരുഹാസൻ, പാർ‌വ്വതി, ജയഭാരതി എന്നിവർ പ്രധാനവേഷങ്ങളിൽ അഭിനയിച്ച് 1989 ജൂൺ 1-ന് പ്രദർശനത്തിനെത്തിയ ഒരു മലയാളചലച്ചിത്രമാണ് അഥർവ്വം. ഡെന്നിസ് ജോസഫിന്റെ കഥയ്ക്കു ഷിബു ചക്രവർത്തിയാണ് തിരക്കഥയും സംഭാഷണവുമെഴുതിയത്. മന്ത്രയുടെ ബാനറിൽ എ. ഈരാളി നിർമ്മിച്ചിരിക്കുന്ന ഈ ചിത്രം രചന പിക്ചേഴ്സ് റിലീസ് ആണ് വിതരണം ചെയ്തത്."