രാരിച്ചൻ എന്ന പൗരൻ എന്ന ചിത്രത്തിലെ ഒരു മലയാളം ഗാനമാണ് പൂമുറ്റത്തൊരു മുല്ല വിരിഞ്ഞു. 1956-ൽ പി. ഭാസ്കരൻ സംവിധാനം ചെയ്ത് ഉറൂബ് എഴുതിയ ഒരു ഇന്ത്യൻ മലയാളം ചലച്ചിത്രമാണിത്. നിരൂപക പ്രശംസ നേടിയ നീലക്കുയിൽ നിർമ്മിച്ച അതേ ടീം തന്നെയാണ് ഈ ചിത്രവും നിർമ്മിക്കുന്നത്. മലയാളത്തിലെ അറിയപ്പെടുന്ന നടനായ കെ പി ഉമ്മർ ഈ ചിത്രത്തിലൂടെയാണ് തന്റെ സിനിമാ അരങ്ങേറ്റം കുറിക്കുന്നത്. കെ.രാഘവനാണ് സംഗീതം ഒരുക്കിയത്. പി.ഭാസ്കരൻ ഗാനത്തിന് വരികൾ എഴുതുകയും ശാന്ത പി.നായർ ഗാനം ആലപിക്കുകയും ചെയ്തു . മലയാള സിനിമയിലെ അറിയപ്പെടുന്ന പിന്നണി ഗായികയായിരുന്നു ശാന്ത പി.നായർ.