"""തിരിച്ചടി"" എന്ന ചലച്ചിത്രത്തിലെ ഗാനമാണ് ""പൂ പോലെ പൂ പോലെ ചിരിക്കും - അവൻ പുളകം കൊണ്ടെന്നെ വാരിപ്പുതപ്പിക്കും പൂ പോലെ പൂ പോലെ ചിരിക്കും."" എന്ന ഈ ഗാനം. വയലാർ രാമവർമ്മ എഴുതി, ആർ സുദർശനം സംഗീതം നൽകി, പി സുശീല ആലപിച്ച ഗാനം. എക്സെൽ പ്രൊഡക്ഷൻസിനു വേണ്ടി എം. കുഞ്ചാക്കോ സംവിധാനം ചെയ്തു നിർമിച്ച മലയാളചലച്ചിത്രമാണ് തിരിച്ചടി. ആലപ്പുഴ ഉദയാസ്റ്റുഡിയോയിൽ നിർമിച്ച ഈ ചിത്രത്തിന്റെ വിതരണം എക്സെൽ പ്രൊഡക്ഷൻസിനു തന്നെയായിരുന്നു. പ്രേം നസീർ ഇരട്ടവേഷത്തിൽ അഭിനയിച്ച ഈ ചിത്രം 1968 മാർച്ച് 8-ന് കേരളത്തിൽ പ്രദർശനം തുടങ്ങി. അഭിനേതാക്കൾ പ്രേം നസീർ, കൊട്ടാരക്കര, ഷീല, കാഞ്ചന തുടങ്ങിയവർ."