"സർവ്വേക്കല്ല്" എന്ന നാടകത്തിലെ ഗാനമാണ് "പൊന്നിലഞ്ഞിപ്പൂ പെറുക്കാൻ എന്തിനു നീ കൂടെ വന്നു മാല കോർത്തെൻ മാറിലിട്ടു മാറി നിന്നു നീ ചിരിച്ചു" എന്ന ഈ ഗാനം. ഒ എൻ വി കുറുപ്പ് എഴുതി , ജി ദേവരാജൻ സംഗീതം നൽകി, കെ സുലോചന ആലപിച്ച ഗാനം. സർവ്വേക്കല്ല് എന്ന നാടകത്തിന്റെ രചയിതാവ് തോപ്പിൽ ഭാസി ആണ്. മലയാള നാടകകൃത്തും തിരക്കഥാകൃത്തും ചലച്ചിത്രസം‌വിധായകനുമായിരുന്നു തോപ്പിൽ ഭാസി (1924 – 1992). യഥാർത്ഥനാമം തോപ്പിൽ ഭാസ്കരപിള്ള. മലയാളനാടകപ്രസ്ഥാനത്തിന് മൗലിക സംഭാവന നല്കിയ നാടകകൃത്തും ഇന്ത്യൻ കമ്മ്യൂണിസ്റ്റ് പാർട്ടി നേതാവും നിയമസഭാ സാമാജികനും കൂടിയായിരുന്നു തോപ്പിൽ ഭാസി.