1962 ഇൽ റിലീസ് ആയ ഭാര്യ എന്ന ചിത്രത്തിലെ മനോഹരമായ ഗാനമാണ് “പെരിയാറെ പെരിയാറെ “. വളരെ പ്രശസ്തമായ ഈ ഗാനം എ എം രാജയും പി സുശീലയും ആണ് ആലപിച്ചത്. വയലാർ രാമവർമ്മയുടെ വരികൾക്കു ജി ദേവരാജൻ സംഗീതം പകർന്ന ഈ ഗാനം മോഹന രാഗത്തിലാണ് സൃഷ്ടിച്ചിരിക്കുന്നത്. സത്യനും രാഗിണിയും ചേർന്ന് കേന്ദ്ര കഥാപാത്രങ്ങൾ അവതരിപ്പിച്ച ഈ സിനിമ സംവിധാനം ചെയ്തത് കുഞ്ചാക്കോ ആണ്. കാനം ഇ ജെ യുടെ ഒരു നോവലിനെ ആസ്‌പദമാക്കിയാണ് ഈ സിനിമ എടുത്തിരിക്കുന്നത്. വിവാദമായ തിരുവല്ല അമ്മാളു വധക്കേസിനെ ആസ്പദമാക്കിയുള്ളതാണ് നോവൽ.