മലയാളത്തിന്റെ പ്രിയ വാനമ്പാടി കെ എസ് ചിത്രയുടെ ശബ്ദത്തിൽ പിറന്ന ഗാനമാണിത്. സ്വരമാധുര്യത്തോടെയും ആലാപനമികവിലൂടെയും മലയാളിമനസ്സ് കീഴടക്കിയ ഗായികയാണ് ചിത്ര. ഇരുപത്തയ്യായിരത്തിൽ അധികം പാട്ടുകൾ ഇതുവരെ ചലചിത്രങ്ങൾക്കായി പാടിയിട്ടുണ്ട്. എത്ര കേട്ടാലും മതിവരാത്ത പാട്ടുകൾ മലയാളിക്ക് സമ്മാനിച്ച ചിത്രയുടെ ശബ്ദത്തിലൂടെ രവീന്ദ്രൻ മാഷ് പി ഭാസ്കരന്റെ വരികൾക്ക് ഈണം നൽകി, 'വെങ്കലം ' എന്ന 1993'ൽ പുറത്തിറങ്ങിയ ചിത്രത്തിലൂടെയാണ് ഈ ഗാനം പുറത്തുവരുന്നത്. ഒരു കല്യാണത്തിന്റെ പശ്ചാത്തലത്തിലാണ് ഈ ഗാനം ചിത്രീകരിച്ചിരിക്കുന്നത്. പ്രകൃതിയും നാടും നാട്ടാരും ഒരുപോലെ കല്യാണത്തിനൊരുങ്ങുന്നതിനെപറ്റി വരികൾ പറയുന്നു. ആഭേരി രാഗത്തിലാണ് പാട്ട് ചിട്ടപെടുത്തിയിരിക്കുന്നത്."