""പാറമേക്കാവില്‍ കുടികൊള്ളും ഭഗവതി പവിത്രകാരിണീ പരബ്രഹ്മ രൂപിണീ"" എന്ന ഗാനം 'പുഷ്പാഞ്ജലി' എന്ന ഭക്തിഗാന ആൽബത്തിലെ ഗാനങ്ങളിലൊന്നാണ്. എസ്. രമേശൻ നായരുടെ വരികൾക്ക് സംഗീത സംവിധാനം നിർവഹിച്ചിരിക്കുന്നത് പി.കെ കേശവൻ നമ്പൂതിരിയാണ്. ആരഭി രാഗത്തിൽ ചിട്ടപ്പെടുത്തിയ ഈ ഗാനം ആലപിച്ചിരിക്കുന്നത് ഭാവ ഗായകൻ പി. ജയചന്ദ്രൻ ആണ്. പാറമേക്കാവിൽ കുടി കൊള്ളുന്ന ദേവിയോട് തന്റെ വിഷമങ്ങൾ ഏറ്റു പറയുകയാണ് ഭക്ത. തനിക്കു തുണയായി എപ്പോഴും കൂടെ ഉണ്ടാവണം എന്ന് അവൾ അപേക്ഷിക്കുകയാണ് ഗാനത്തിലൂടെ.