"ഉള്ളടക്കം" എന്ന സിനിമയിലെ എക്കാലത്തെയും അനശ്വര ഗാനങ്ങളിൽ ഒന്നാണ് "പാതിരാമഴയെതോ ഹംസഗീതം പാടി വീണപൂവിതളെങ്ങോ പിൻ നിലാവിലലിഞ്ഞു" എന്നുള്ളത്. കൈതപ്രം ദാമോദരൻ നമ്പൂതിരി വരികളെഴുതി ഔസേപ്പച്ചൻ ഈണം നൽകിയ ഗാനം പാടിയിരിക്കുന്നത് കെ. ജെ. യേശുദാസാണ്. വിരഹം, വേദനയുടെയെല്ലാം ആകെ തുകയാണ് ഈ ഗാനം. ഒരു മഴ പെയ്ത തോർന്ന അനുഭവമാണ് ഈ ഗാനം കേൾക്കുന്നവരിൽ ഉണ്ടാകാറുള്ളത്. മാനസികാരോഗ്യ ആശുപത്രിയുടെ പശ്ചാത്തലത്തിലാണ് ഈ ഗാനം ചിത്രീകരിച്ചിരിക്കുന്നത്. ഒറ്റപ്പെടലിന്റെ ആഴം ആസ്വദകരിലേയ്ക്ക് ഗാനം പകർന്നു കൊടുക്കുന്നു.