"""ഉമ്മ"" എന്ന ചലച്ചിത്രത്തിലെ ഗാനമാണ് ""പാലാണ് തേനാണെൻ ഖൽബിലെപ്പൈങ്കിളിക്ക് പഞ്ചാരക്കുഴമ്പാണ് നീ - എൻ സൈനബാ പഞ്ചാരപ്പാൽക്കുഴമ്പാണ് നീ"" എന്ന ഈ ഗാനം പി ഭാസ്കരൻ എഴുതി, എം എസ്‌ ബാബുരാജ്‌ സംഗീതം നൽകി, എ എം രാജ ആലപിച്ച ഗാനം. 1960-ൽ പുറത്തിറങ്ങിയ ഒരു മലയാളചലച്ചിത്രമാണ് ഉമ്മ. ഉദയായുടെ ബാനറിൽ കുഞ്ചാക്കോയാണ് ഈ ചിത്രം നിർമിച്ചതും സംവിധാനം ചെയ്തതും. കുറച്ചുകാലത്തെ സ്തംഭനത്തിനുശേഷം ഉദയാ സ്റ്റുഡിയോ വീണ്ടും പ്രവർത്തനമാരംഭിച്ചത് ഈ ചിത്രത്തിന്റെ നിർമ്മാണത്തോടു കൂടിയാണ്. മൊയ്തു പടിയത്തിന്റെ മൂലകഥയ്ക്ക് വിമൽ തിരക്കഥയും ശാരംഗപാണി സംഭാഷണവും രചിച്ചു. പി. ഭാസ്കരൻ എഴുതിയ ഗാനങ്ങൾക്ക് എം.എസ്. ബാബുരാജ് സംഗീതം നൽകി. ആലപ്പുഴ എക്സെൽ പ്രൊഡക്ഷൻസാണ് ഈ ചിത്രം വിതരണത്തിനെത്തിച്ചത്."