ബിച്ചു തിരുമലയുടെ വരികൾക്ക് രവീന്ദ്രൻ മാസ്റ്റർ ഈണം നൽകി മലയാളി മനസ്സുകൾ കീഴടക്കിയ മറ്റൊരനശ്വര ഗാനമാണ് 'തേനും വയമ്പും ' എന്ന സിനിമയിലെ "ഒറ്റക്കമ്പി നാദം മൂളും"എന്ന് തുടങ്ങുന്ന ഗാനം. പകരം വയ്ക്കാനില്ലാത്ത ശബ്ദശുദ്ധികൊണ്ട് മലയാളികൾ ഗാനഗന്ധർവ്വനെന്ന് അഭിമാനപൂർവ്വം വിശേഷിപ്പിക്കുന്ന കെ ജെ യേശുദാസാണ് ഈ ഗാനം ആലപിച്ചത്. 1981'ൽ പുറത്ത് വന്ന മോഹൻലാൽ, സുമലത, നെടുമുടി വേണു, പ്രേം നസീർ താരനിരകളെ അണിനിരത്തി അശോക് കുമാർ സംവിധാനം ചെയ്ത ചിത്രമാണ് തേനും വയമ്പും. നാല് മിനുട്ട് മുപ്പത്തിയൊൻപത് മിനിട്ട് ദൈർഘ്യമുള്ള ഈ ഗാനം മധ്യമവതി രാഗത്തിലാണ് ചിട്ടപ്പെടുത്തിയിരിക്കുന്നത്. മലയാളത്തിലെ എവെർഗ്രീൻ റൊമാന്റിക്ക് ഹിറ്റുകളുടെ പട്ടികയിൽ ഇടംപിടിച്ച മറ്റൊരു ഗാനമാണിത്.