സംജാദ് നാരായണൻ തിരക്കഥയും സംഭാഷണമെഴുതി വി.എം വിനു സംവിധാനം ചെയ്ത് ശ്രീനിവാസൻ, വിനീത് ശ്രീനിവാസൻ,സുഹാസിനി എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് 'മകന്റെ അച്ഛൻ'. ഈ സിനിമയ്ക്ക് വേണ്ടി അനിൽ പനച്ചൂരാൻ വരികളെഴുതി എം.ജയചന്ദ്രൻ ഈണം നൽകിയ ഗാനമാണ് " ഒത്തൊരുമിച്ചൊരു ഗാനം പാടാൻ മൊത്തം പേർക്കും കൊതിയായി " എന്നുള്ളത്. ഈ ഗാനം പാടിയിരിക്കുന്നത് വിനീത് ശ്രീനിവാസൻ ആണ്. ഇതൊരു ആക്ഷേപഹാസ്യ ഗാനമാണ്. കോളേജ് ജീവിതത്തിന്റെ പഠനഭാരത്തെ പറ്റിയും അധ്യാപകരുടെയും രക്ഷിതാക്കളുടെയും മാനസിക പീഡനത്തെപ്പറ്റിയുമൊക്കെയാണ്‌ പാട്ടിൽ പറയുന്നത്.