"ഡോ ബാലകൃഷ്ണൻ രചിച്ച് സംവിധാനം ചെയ്ത 1975ൽ പുറത്തിറങ്ങിയ കല്യാണപ്പന്തൽ എന്ന ചിത്രത്തിലെ ഗാനമാണ് ""ഒരു മധുരിക്കും വേദനയോ, കണ്ണുനീരിന്റെ പുഞ്ചിരിയോ, നീയാരോ നീയാരോ, ഒന്നു പറയൂ എന്നനുരാഗമേ, അനുരാഗമേ... അനുരാഗമേ"". യൂസഫലി കേച്ചേരിയുടെ വരികൾക്ക് സംഗീതസംവിധാനം ചെയ്തത് എ ടി ഉമ്മറാണ്. മനോഹരമായ ഈ ഗാനം ആലപിച്ചിരിക്കുന്നത് പി സുശീലയാണ്. രൂപകലയുടെ ബാനറിലാണ് ഈ ചിത്രം നിർമിച്ചത്. വിൻസന്റ്, സുധീർ, വിധുബാല, സുരാസു, ടി എസ് മുത്തയ്യ, ശങ്കരാടി, ടി ആർ ഓമന, കെ പി എ സി ലളിത, മണവാളൻ ജോസഫ് തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. കെ എൻ കന്നിയപ്പനാണ് ഛായാഗ്രഹണം നിർവഹിച്ചത്. ചിത്രസംയോജനം ജി വെങ്കിട്ടരാമൻ. മാനസവീണയിൽ നീയൊന്നു തൊട്ടു, ചഞ്ചല ചഞ്ചല നയനം, സ്വർണ്ണാഭരണങ്ങളിലല്ല,മയ്യെഴുതി കറുപ്പിച്ച കണ്ണിൽ, മണവാട്ടിപ്പെണ്ണിനല്ലോ എന്നിവയാണ് ഈ ചിത്രത്തിലെ മറ്റു ഗാനങ്ങൾ."