റെജി മാത്യുവിന്റെ തിരക്കഥയിൽ സൂര്യൻ കുനിശ്ശേരി സംവിധാനം ചെയ്ത് 2000ൽ പുറത്തിറങ്ങിയ കണ്ണാടിക്കടവത്ത് എന്ന ചിത്രത്തിലെ ഗാനമാണ് "ഒന്നുദിച്ചാല്‍ അന്തിയുണ്ടേ, ഇന്നിനെല്ലാം നാളെയുണ്ടേ, ചെമ്പാകുമ്പാ ചെമ്മരത്തി, പിറവിയുണ്ടേല്‍ അറുതിയുണ്ടേ". കൈതപ്രത്തിന്റെ വരികൾക്ക് സംഗീതസംവിധാനം ചെയ്തത് ബാലഭാസ്കറാണ്. മനോഹരമായ ഈ ഗാനം ആലപിച്ചിരിക്കുന്നത് ബിജു നാരായണനും കാവാലം ശ്രീകുമാറും ചേർന്നാണ്. അൻസിൽ റഹ്മാൻ, രഹ്ന, മുരളി, സുവർണ്ണ മാത്യു, കൽപ്പന, ലാലു അലക്സ്‌, മാമുക്കോയ എന്നിവരാണ് ചിത്രത്തിൽ പ്രധാനവേഷത്തിൽ എത്തിയത്.