"അരുൺ ശേഖർ തിരക്കഥയും സംഭാഷണവും എഴുതി സംവിധാനം ചെയ്ത് ജയസൂര്യ രമ്യ നമ്പീശൻ ഗൗരവ് മേനോൻ ബേബി സായുരി എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് ജിലേബി. ഈ സിനിമയ്ക്ക് വേണ്ടി ഈസ്റ്റ് കോസ്റ്റ് വിജയൻ വരികളെഴുതി ബിജിപാൽ ഈണം നൽകിയ ഗാനമാണ് "" ഞാനൊരു മലയാളി എന്നും മണ്ണിൻ കൂട്ടാളി"" എന്നത്. ഈ ഗാനം പാടിയിരിക്കുന്നത് പി. ജയചന്ദ്രൻ ആണ്. പ്രകൃതിസ്നേഹിയായ നായകൻ കൃഷിയെയും പ്രകൃതിയേയും സ്നേഹിക്കുന്നതും അതിലിണ ചേർന്ന് ജീവിക്കുന്നതുമാണ് ഗാനരംഗം."