2000ൽ പുറത്തിറങ്ങിയ മിസ്റ്റർ ബട്‌ലർ എന്ന ചിത്രത്തിലെ ഗാനമാണ് “നിഴലാടും ദീപമേ തിരി നീട്ടുമോ”. ശശിശങ്കർ സംവിധാനം ചെയ്ത ചിത്രം നിർമ്മിച്ചിരിക്കുന്നത് കെ പ്രദീപ് കുമാറാണ്. വിദ്യാസാഗർ സംഗീതം നൽകിയിരിക്കുന്നു, ഗാനരചയിതാവ് ഗിരീഷ് പുത്തഞ്ചേരി. കെ എസ് ചിത്രയാണ് ഗാനം ആലപിച്ചിരിക്കുന്നത്. ഗാനത്തിന്റെ പുരുഷ പതിപ്പ് ആലപിച്ചിരിക്കുന്നത് കെ ജെ യേശുദാസാണ്. “നിഴലാടും ദീപമേ തിരി നീട്ടുമോ… അലിവോലും നെഞ്ചിലെ ഇരുള്‍ മായ്ക്കുമോ… കനിവാര്‍ന്ന രാവിന്‍.... ഇടനാഴിയില്‍...തളരും കിനാവിനെ താരാട്ടുമോ.....” എന്നതാണ് ഗാനത്തിന്റെ വരികൾ.